<<笑話>>(相聲)

甲 : (對著乙)你好我好.

甲乙:(向觀眾)大家好!
( 甲指著上面)

乙 : 做乜指住個天呀?

甲 : (我)指天豛地唓大奅

乙 : (稍作思量)吐霧吞雲發噏風

甲 : 估唔到你都有兩下喎.

乙 : 唔祇有兩下.係多你兩下.

甲 : 講到認叻真係唔及你.

乙 : 講到lan 叻真係要讓畀你..

甲 : 哎!!!!

乙 : 哎乜鬼唧?

甲 : 我哋嘅對對出曬律啦.

乙 : 冇問題.沙沙四.大家鬥出律.

甲 : 沙沙四係乜 [羊東] [羊東] ?

乙 : 係濕濕碎呀.死蠢.

甲 : 你係外江佬呀.

乙 : 外江係乜?

甲 : 外江者外省也.

乙 : 我唔係外江佬.

甲 : 即係廣東人啦..

乙 : 一半.

甲 : 唔明.

乙 : 我老侸廣東人.老母外省妹.

甲 : 即係雜種啦.

乙 : 你至係雜種.

甲 : 假作真時真亦假.

乙 : 無為有與有還無

甲 : 哎!!!!

乙 : 又哎乜鬼唧?

甲 : 你有所不知嘅嘞.我老婆大肚唔知點算好.

乙 : 吓!恭喜你喎.生得未呀?

甲 : 未.

乙 : 有咗半年?

甲 : (搖頭)

乙 : 三個月?

甲 : (搖頭)

乙 : 啱啱有?

甲 : 重未有

乙 : 咁你又話大肚點算好?

甲 : 係準備大肚.

乙 : 我都未聽過大肚都有準備.你老婆個肚裝開闢咩..準備大肚.一.二.三……

甲 : 三你個頭.我老婆大肚使乜你嚟數一二三呀.

乙 : 我係幫我屋企隻狗乸數一二三呀.

甲 : .話畀你老婆知.話你當佢係狗乸.

乙 : 我屋企隻狗乸真係大咗肚呀.

甲 : 重衰.你寧願畀隻狗大肚.都唔畀老婆大.

乙 : 隻狗大肚唔閞我事[口架].

甲 : 重衰.你寧願畀隻狗出去滾.都唔畀老婆出去.

乙 : 佢有佢…….你有冇搞錯呀………

甲 : 對唔住.唔好嬲.

甲乙:(握手 . 向觀眾躹躬)